Blogg logo

Eg jobbar stadig med desse oppgåvene. Eg syns det er tidkrevjande, men VELDIG lærerikt og artig å jobbe med slike oppgåver.
Banneret mitt har eg laga i Power point og photofilter. Eg har brukt ein mal frå power point som eg har forminska, og bearbeida i photofilter. Skrifta er Arail for å matche skrifta i bloggen.

Kontrast

Eg har teke bilete av kvite kuler mot svart bakgrunn. Eg har liten erfaring med foto, så difor velte eg dette som metode. Minimalsme er sjangeren eg jobbar i, men i og med at formene er så runde vert det litt pop-art preg på det.


Svart/kvit er vel med den sterkaste kontrasten ein finn. I tillegg har eg her kontrasten liten/stor, sjølv om den kunne vore tydlegare framstillt. Dotter mi sa: "mamma som passa på ongen" då ho såg dette bilete, det syns eg var ein god assosiasjon,- det treng ikkje vere kontrast, men vaksen og unge er oftast ulike i storleik, men har mange likheitstrekk- slik som desse kulene.

Mengd/domminans

Det er ikkje nødvendigvis slik at områda med flest objekt er dei visuelt mest dominerande. Her merkar eg at eg fattar interesse for den kula som ligg aleine. Ein kan skape balanse i eit bilete sjølv om mengda objekt ikkje er lik på begge sider. Er 6 mot 1 feigt? Den einslege klarar seg godt aleine her, det at den er plassert nedst på komposisjonen gjer sitt til at den vert tung.

Spredning

Her varierar eg storleiken på kulene og tettheita mellom dei. Dette kan også sjåast som ei kjede. Kvar og ei av kulene er avhengig av dei andre for å behalde si plassering i strukturen. I og med at eg nyttar kuler føler eg at eg kan sjå kjedereaksjonen det vil verte om ei startar å trille.

Ubalanse

Her vert den eine kula jaga av resten. Den ligg aleine, men eg syns ikkje den klarar å fange interessa slik som den einslege på bilete som formidla mengde/domminans. Ein komposisjon er i balanse når objekta på formatet er i optisk likevekt, det klarar ikkje den einslege å gjere, fleirtalet vert for tungt, dermed vert her ein ubalanse. Ei medverkand årsak er at den einslege er plassert heilt oppe i komposisjonen, noko som gjer at ein assosierar til noko lett som kan sveve.

Symmetri

Når objekt vert oppstilt likt om ein akse, har vi symmetri. Denne oppstillinga har fem symmetriaksar, ein kan trekke ein akse gjennom kvar kule, og det dannar symmetri på kvar side av denne aksen. Eg assosierar ringdans med denne oppstillinga.

Jevn frekvens

Når avstanden mellom dei repiterte objekta er lik, har repitisjonen ein jevn frekvens. Det framstår som ryddig og visuelt godt og roleg å sjå på. "stod som perler på en snor og ingen av oss sa et ord" tenkje eg då eg ser på dette bilete

Ujevn frekvens

Når avstanden mellom dei repiterte objekta ikkje er lik, men varierar i ulike grader vert det ein ujevn frekvens. Dette framstår som meir visuelt uryddig. Eg merkar at eg får lyst å rette på dei så dei står "rett". Her assiosierar eg med når elevar skal stå på rekke, då er det alltid ujevn frekvens ;)